Certo die erat Petrus nimis defessus ideoque rogavit Jesum munus eius perficere. Jesus hoc fecit et dum homines interrogabat de vita et gestis malis et bonis vidit virum quendam qui ei famil-iarissimum videbatur. Cum vir ille ad Jesum venit interrogat eum sic:
"Quid est nomen tibi?"
"Josephus est mihi nomen."
"Et quid erat negotium tuum dum vivis?"
"Faber lignarius fui."
"Edepol! Nonne tu parvulum puerum habuisti?"
"Ita, mi Domine, habui."
"Et nonne puer ille habuit foramina et in manibus et in pedibus?"
"Ita, mi Domine!"
Cum hoc audit fere lacrimans clamat Jesus "Mi pater, mi pater" et incipit eum amplecti.
Vir verumtamen valde miratus eum interrogat: "Esne tu reapse Pinnochius?"
Vir quidam mortuus est et caelum adit ubi post paucos dies Deo ipso occurrit.
“Possumne te, Deus meus,” dicit vir, “de certis rebus interro-gare?”
Cui ille: Certe fili mi. Quid scire vis?
“Quam ob rem” rogat vir, “mulieres tam pulcherrimas fecisti?”
Cui Deus: “Hoc perfacile est. Eas pulcherrimas feci ut viri eas peramarent.”
“Et quam ob rem,” rogat vir, “iis figuram voluptuosam et vocem perdulcem dedisti?”
“Ut viri eas cupiant” respondet Deus
“Sed quam ob rem eas quoque tam inanes fecisti?” petit amplius vir noster.
“Hoc etiam explicare possum,” dicit Deus subridens, “eas sic feci quia nisi inanes fuissent virum numquam cupivissent!”
Erat femina flava quaedam quae maximam inopiam patiebatur posteaquam pontem Brooklyn parvo pretio emit ideoque pecunia valde egebat. Post multas cogitationes demum constituit puerum raptare et magnam summam pecuniae pro redemptione po-scere. Confestim ad ludum ivit, et puerum quemdam manu pre-hendit, et ei dixit “Nunc es raptus a me!” Deinde in chartula scripsit “Puerum tuum raptavi. Mane cras decem milia dollarium in saccum papyraceum pone et relinque illum juxta pirum quae ante schola est. Hoc subscribit femina flava!” et puero dixit: "age, vade domum, et da matri tuae hanc chartulam!" Proximo die femina flava nostra ad scholam ivit et, mira res, il-lic juxta pirum saccum papyraceum invenit quod reapse decem milia dollarium continebat. Sacco quoque inerat chartula in qua scriptae sunt haec verba: "Dei Boni! Quomodo rem tam foedissimam potuisti alii feminae flavae facere!"
Duo viri sedebant in caupona et primus dicit alteri: Felix sum quia uxor mea reapse angelus est.
Cui alter: Mehercle! Tuam bonam fortunam tibi invideo, mi frater, quia mea adhuc vivit!
Olim erat mulier quaedam quae geminos habebat et eos in adop-tionem dedit. Unus in Aegyptum it et ibi Amnes nuncupatus est. Alter in Hispaniam it et ibi Junus nuncupatus est. Multos post annos Junus picturam photographicam suam ad matrem mittit et cum ea hanc vidit subito clamat "utinam picturam alterius mei filii videre potuerim!"
"Eheu," ait vir eius, "nonne filii tui gemini sunt? Si Junum vides iam Amnes vidisti."
No comments:
Post a Comment